საკონსტიტუციო სარჩელი - როცა პრობლემა თავად კანონშია და არა მის გამოყენებაში

მოსარჩელე

საქართველოს მოქალაქე, სხვა ფიზიკური პირი, მათ შორის უცხოელი, და იურიდიული პირი. მოსარჩელემ უნდა დაასაბუთოს, რომ სადავო ნორმა მის უფლებას არღვევს ან რეალურად შეიძლება დაარღვიოს - სხვისი უფლების დაცვა ან ზოგადი პოლიტიკური კრიტიკა ამ გზით არ ხერხდება. ცალკე უფლებამოსილება აქვს სახალხო დამცველს.

გასაჩივრების საგანი

ნორმატიული აქტი ან მისი ნაწილი: კანონი, მთავრობის დადგენილება, სამინისტროს ნორმატიული ბრძანება, მუნიციპალიტეტის ნორმატიული აქტი. შესაძლებელია ნორმის კონკრეტული ნორმატიული შინაარსის გასაჩივრებაც - იმ გაგების, რომლითაც მას რეალურად იყენებენ. ინდივიდუალური აქტი, მაგალითად ერთ პირზე გაცემული ნებართვა ან უარი, აქ არ საჩივრდება.

კონსტიტუციური ნორმა

სარჩელში უნდა მიეთითოს კონსტიტუციის კონკრეტული დებულება, რომელსაც სადავო ნორმა ეწინააღმდეგება, და დასაბუთდეს მიმართება მათ შორის. ინდივიდუალური მოსარჩელისთვის ეს მეორე თავის უფლებებია - თანასწორობა, საკუთრება, პირადი ცხოვრება, სამართლიანი სასამართლო, საქმიანობის თავისუფლება და სხვა.

რას არ განიხილავს სასამართლო

ჩვეულებრივი სასამართლოს გადაწყვეტილების სისწორეს, ფაქტების შეფასებას, კერძო პირებს შორის დავას და კონკრეტულ სახელმწიფო მოხელის ქმედებას. თუ პრობლემა იმაშია, რომ სწორი კანონი თქვენს საქმეში არასწორად გამოიყენეს, გზა ზემდგომ ინსტანციებზე და, საჭიროებისას, სტრასბურგზე გადის.

• სადავო ნორმის ტექსტი და ბმული მის ოფიციალურ პუბლიკაციაზე, თუ იცით, რომელი ნორმაა.
• დოკუმენტები, რომლებიც აჩვენებს, როგორ შეგეხოთ ნორმა: უარი, ჯარიმა, სასამართლოს გადაწყვეტილება, ორგანოს წერილი.
• მიმდინარე სასამართლო დავის მასალები, თუ ასეთი არსებობს, და მისი შემდეგი ვადები.
• მოკლე აღწერა, რომელი უფლება გეზღუდებათ და რატომ მიგაჩნიათ შეზღუდვა გაუმართლებლად.
• იურიდიული პირისთვის - რეგისტრაციის დოკუმენტები და ხელმომწერის უფლებამოსილების დასტური.

ყველა ადვოკატი ამ სფეროში (4 746) →