ზურაბ მუხურაძე

ადვოკატის შესახებ

სამოქალაქო, შრომის, საკორპორაციო, ადმინისტრაციული და სისხლის სამართლის საქმეები - ასეთია ზურაბ მუხურაძის საქმიანობის არეალი. ათ წელზე მეტია, რაც სამივე სახის - სამოქალაქო, ადმინისტრაციულ და სისხლის - სასამართლო პროცესებში მონაწილეობს. ადვოკატთა ასოციაციის წევრია 2009 წლიდან საერთო სპეციალიზაციით, 2019-2020 წლებში კი არასრულწლოვანთა მართლმსაჯულებისა და ბავშვთა უფლებების სპეციალიზაციაც დაიმატა.

2019 წლის აპრილიდან „ბეიკერ ტილი ჯორჯიის“ - საერთაშორისო აუდიტორული და საკონსულტაციო კომპანიის - იურიდიული დეპარტამენტის უფროსია. მანამდე ადვოკატად მუშაობდა „ერისთავი და პარტნიორებში“ (2009-2011) და საადვოკატო ბიურო „LBC“-ში (2012-2018), იურისტად - სამოქალაქო განვითარების სააგენტოში (CIDA) და სამშენებლო კომპანია „სამშენებლო ინვესტიციებში“. 2020-2021 წლებში შპს „მედისა“ და შპს „მაგნიკას“ უფროსი იურისტი იყო. კარიერა 2009 წელს უზენაესი სასამართლოს სამოქალაქო საქმეთა პალატაში სტაჟირებით დაიწყო.

ბაკალავრისა და მაგისტრის ხარისხები ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე 2008 და 2010 წლებში მოიპოვა. დასრულებული აქვს ამერიკული სამართლის სკოლის (SAL) სასერტიფიკაციო პროგრამა, ამჟამად კი Chicago-Kent College of Law-ში ფინანსური მომსახურების სამართლის მაგისტრატურაზე სწავლობს.

მონაწილეობდა ოციოდე ადგილობრივ და საერთაშორისო ტრენინგში, მათ შორის სტრასბურგში გამართულ იმიტირებულ სასამართლო პროცესში და ადვოკატთა საერთაშორისო ასოციაციის (IBA) ყოველწლიურ კონფერენციაზე სეულში. თავად უტარებდა ტრენინგებს ასოციაციის წევრებს ლტოლვილთა სამართალში, გარიგებების ბათილობასა და ადმინისტრაციულ სამართალში ადამიანის უფლებების საკითხებზე. სტატიები გამოქვეყნებული აქვს ჟურნალ „ადვოკატში“. ასოციაციის სამოქალაქო სამართლის კომიტეტების წევრია.

ტიპური საქმეები

• სამოქალაქო დავები
• შრომითი დავები
• საკორპორაციო სამართალი
• ადმინისტრაციული დავები
• სისხლის სამართლის საქმეები

განათლება და კვალიფიკაცია

ადვოკატთა ასოციაციის რეესტრი: საერთო სპეციალიზაცია
დამატებითი სპეციალიზაცია: არასრულწლოვანთა მართლმსაჯულება; ბავშვთა უფლებები (სამოქალაქო)

2008 - ივანე ჯავახიშვილის სახელობის თბილისის სახელმწიფო უნივერსიტეტი, იურიდიული ფაკულტეტი, სამართალმცოდნის ბაკალავრი
2010 - თსუ, იურიდიული ფაკულტეტი, სამართალმცოდნის მაგისტრი
2020-2021 - ამერიკული სამართლის სკოლა (SAL), სასერტიფიკაციო პროგრამა
Chicago-Kent College of Law - ფინანსური მომსახურების სამართლის მაგისტრატურა (მიმდინარე)
2019-2020 - დამატებითი სპეციალიზაცია: არასრულწლოვანთა მართლმსაჯულება, ბავშვთა უფლებები
2016 - გაეროს ლტოლვილთა უმაღლესი კომისარიატი, ტრენერთა ტრენინგი ლტოლვილთა სამართალში
2017 - USAID და ადვოკატთა ასოციაცია, ტრენერთა ტრენინგი ადმინისტრაციულ სამართალში
2017 - ევროპის საბჭო და ევროკავშირი, ტრენინგი პერსონალურ მონაცემთა დაცვაზე