ნატო ნათენაძე

ადვოკატის შესახებ

შრომითი და ადმინისტრაციული სამართალი ნატო ნათენაძის პრაქტიკის ორი ძირითადი მიმართულებაა, რასაც ემატება საჯარო სამართალი და ადამიანის უფლებების დაცვა. ადვოკატის ლიცენზია საქართველოს ადვოკატთა ასოციაციისგან აქვს მიღებული, სამოქალაქო სამართლის სპეციალიზაციით.

პროფესიული გამოცდილების დიდი ნაწილი საჯარო სამსახურს უკავშირდება: სხვადასხვა ხელმძღვანელ პოზიციაზე მუშაობდა სსიპ შრომის ინსპექციის სამსახურსა და თბილისის მუნიციპალიტეტის მერიაში. ზედამხედველობდა შრომის ნორმების დაცვას, მართავდა გეგმიურ და არაგეგმიურ ინსპექტირებას, აწარმოებდა ადმინისტრაციულ წარმოებას შრომით დავებზე, განიხილავდა განცხადებებსა და საჩივრებს, ამზადებდა ადმინისტრაციულ-სამართლებრივ აქტებს. ამ პერიოდში ურთიერთობდა საჯარო და კერძო სექტორის წარმომადგენლებთან, მათ შორის საერთაშორისო დონეზე.

ადმინისტრაციულ სამართალში მისი გამოცდილება მოიცავს ადმინისტრაციული საჩივრების განხილვას, ზეპირ მოსმენებს, სასამართლო გადაწყვეტილებების აღსრულებასთან დაკავშირებულ წარმოებას, ასევე ნორმატიული და ინდივიდუალური აქტების პროექტების შედგენასა და მათ სამართლებრივ ექსპერტიზას.

ადგილობრივ და საერთაშორისო ტრენინგებზე შეისწავლა დისკრიმინაციის აკრძალვა, იძულებითი შრომისა და შრომითი ექსპლუატაციის თავიდან აცილება, ადამიანის უფლებები, შრომის სამართალი და ადმინისტრაციული წარმოება. ქართულთან ერთად რუსულ და ინგლისურ ენებსაც ფლობს.

ტიპური საქმეები

• შრომითი დავები
• ადმინისტრაციული საჩივრები
• ადამიანის უფლებების დაცვა
• ადმინისტრაციულ-სამართლებრივი აქტების ექსპერტიზა
• სასამართლო გადაწყვეტილებების აღსრულება

განათლება და კვალიფიკაცია

ადვოკატთა ასოციაციის რეესტრი: სამოქალაქო სამართლის სპეციალიზაცია

ტრენინგები - შრომის სამართალი, ადამიანის უფლებები
ტრენინგები - დისკრიმინაციის აკრძალვა
ტრენინგები - იძულებითი შრომისა და შრომითი ექსპლუატაციის პრევენცია
ტრენინგები - ადმინისტრაციული წარმოება