ლევან მახარაშვილი

ადვოკატის შესახებ

პროკურატურაში გატარებული წლები და აკადემიური საქმიანობა ლევან მახარაშვილის პროფესიულ გზას ერთად განსაზღვრავს. ამჟამად იურიდიულ კომპანია შპს „DLG&Case“-ს ხელმძღვანელობს, ასევე არის შპს „ემელსი გრუფის“ დირექტორი, არასამთავრობო ორგანიზაცია „კონკურენციის ცენტრის“ პროექტების მენეჯერი და საქართველოს ეროვნული უნივერსიტეტის ასისტენტ-პროფესორი.

2006-2009 წლებში პროკურორად მუშაობდა გამოძიების საპროცესო ხელმძღვანელობის დეპარტამენტში და შინაგან საქმეთა სამინისტროს საგამოძიებო და კრიმინალური პოლიციის დეპარტამენტების, ასევე ნარკოტიკების უკანონო ბრუნვის წინააღმდეგ მებრძოლი სამმართველოს საქმეებს კურირებდა. 2009-2011 წლებში მთავარი პროკურატურის იურიდიულ სამმართველოს ხელმძღვანელობდა, 2011-2012 წლებში კი იმ დეპარტამენტის უფროსი იყო, რომელიც შსს-ის საზოგადოებრივი უსაფრთხოების სამსახურებში, საგარეო დაზვერვაში, თავდაცვისა და სასჯელაღსრულების სისტემებში გამოძიების საპროცესო ხელმძღვანელობას ახორციელებდა.

პედაგოგიური გამოცდილება 2007 წლიდან აქვს: იყო თბილისის ჰუმანიტარული უნივერსიტეტის (2007-2010) და აღმოსავლეთ ევროპის სასწავლო უნივერსიტეტის (2012-2014) ასისტენტ-პროფესორი, 2009-2011 წლებში კი ივანე ჯავახიშვილის სახელობის თბილისის სახელმწიფო უნივერსიტეტის მოწვეული პედაგოგი.

თსუ-ს იურიდიული ფაკულტეტი 2005 წელს დაამთავრა, დღეს იქვე დოქტორანტია. ავტორია სამეცნიერო ნაშრომებისა საკონსტიტუციო სამართლის თემებზე - ხელისუფლების დანაწილება, 2010 წლის საკონსტიტუციო რეფორმა, რეგიონალიზმი და სახელმწიფოს ტერიტორიული მოწყობა. 2012 წელს საქართველოს პრეზიდენტმა ღირსების ორდენით დააჯილდოვა.

განათლება და კვალიფიკაცია

ადვოკატთა ასოციაციის რეესტრი: საერთო სპეციალიზაცია
დამატებითი სპეციალიზაცია: არასრულწლოვანთა მართლმსაჯულება; ბავშვთა უფლებები (სამოქალაქო)

2005 - ივანე ჯავახიშვილის სახელობის თბილისის სახელმწიფო უნივერსიტეტი, იურიდიული ფაკულტეტი
თსუ - დოქტორანტურა (მიმდინარე)