ხაჭაპურიძე ელიზბარ

ადვოკატის შესახებ

ელიზბარ ხაჭაპურიძის პრაქტიკის დიდი ნაწილი სახელშეკრულებო სამართალს ეთმობა. ამზადებს და სამართლებრივად აფასებს წილებისა და აქციების, მშენებლობის, ნარდობის, სესხის, დაზღვევის, საბანკო კრედიტისა და ლიზინგის ხელშეკრულებებს, მათ უზრუნველმყოფ იპოთეკას, გირავნობასა და სოლიდარულ თავდებობას, აგრეთვე შრომით კონტრაქტებს. 2008 წლიდან იურიდიულ კომპანია „ბირკაია და კვანტალიანში“ საადვოკატო პრაქტიკას ეწევა სამოქალაქო, სისხლის და ადმინისტრაციული სამართლის საქმეებზე. ადვოკატის ლიცენზია საერთო სპეციალიზაციისაა.

რამდენიმე კომპანიაში იურიდიულ სამსახურს ხელმძღვანელობს. 2010 წლიდან სს „ალიანს ჯგუფი ლიზინგის“ იურიდიული დეპარტამენტის უფროსია: შეიმუშავებს ახალ კონტრაქტებს, უწევს კონსულტაციებს და კომპანიას წარმოადგენს სასამართლოებში, ადმინისტრაციულ ორგანოებსა და არბიტრაჟში. 2019 წლიდან შპს „იორკ თაუერსის“ იურიდიულ სამსახურს უძღვება. აქ FIDIC-ის სტანდარტებით ადგენს მსხვილ სამშენებლო კონტრაქტებს, უზრუნველყოფს სამშენებლო ნებართვებისა და განვითარების რეგულირების გეგმების სამართლებრივ საფუძველს, ურთიერთობს სამინისტროებთან და მთავრობასთან, მონაწილეობს ადმინისტრაციულ წარმოებასა და სასამართლო დავებში.

2009 წლიდან მუდმივმოქმედი არბიტრაჟის, შპს „დავების განმხილველი ცენტრის“ არბიტრია.

იურიდიული ფაკულტეტი ივანე ჯავახიშვილის სახელობის თბილისის სახელმწიფო უნივერსიტეტში დაამთავრა. 2000 წელს გერმანიაში, ფრანკფურტის ევროპულ უნივერსიტეტ „ვიადრინაში“, საერთაშორისო, ევროკავშირისა და ევროპის საბჭოს სამართლის სერტიფიკატი მიიღო, 2004-2005 წლებში კი შვედეთში, ლუნდის უნივერსიტეტის რაულ ვალენბერგის ინსტიტუტში, საერთაშორისო კერძო სამართლისა და ადამიანის უფლებათა სამართლის სამაგისტრო დიპლომი მოიპოვა.

ტიპური საქმეები

• სახელშეკრულებო სამართალი
• სამშენებლო კონტრაქტები (FIDIC)
• სალიზინგო ხელშეკრულებები
• საბანკო კრედიტი და უზრუნველყოფა
• წილებისა და აქციების გარიგებები
• შრომითი ხელშეკრულებები
• სამშენებლო ნებართვები
• ადმინისტრაციული წარმოება
• არბიტრაჟი

განათლება და კვალიფიკაცია

ადვოკატთა ასოციაციის რეესტრი: საერთო სპეციალიზაცია

1990-1996 - ივანე ჯავახიშვილის სახელობის თბილისის სახელმწიფო უნივერსიტეტი, იურიდიული ფაკულტეტი, სამართალმცოდნე
2000 - ფრანკფურტის ევროპული უნივერსიტეტი „ვიადრინა“ (გერმანია), საერთაშორისო, ევროკავშირისა და ევროპის საბჭოს სამართლის სერტიფიკატი
2004-2005 - ლუნდის უნივერსიტეტი, რაულ ვალენბერგის ინსტიტუტი (შვედეთი), საერთაშორისო კერძო სამართლისა და ადამიანის უფლებათა სამართლის მაგისტრი