ირაკლი ყანდაშვილი

ადვოკატის შესახებ

მედიაცია და დავების მორიგებით დასრულება ირაკლი ყანდაშვილის საქმიანობის ერთ-ერთი ცენტრალური მიმართულებაა, თუმცა საადვოკატო პრაქტიკას 2004 წლიდან ეწევა. „K&K Consulting“-ს 2013 წლიდან მართავს, როგორც მმართველი პარტნიორი, 2019 წლიდან კი საქართველოს მედიატორთა ასოციაციის პირველი თავმჯდომარე.

მედიატორად 2012 წლიდან მუშაობს: აკრედიტაცია აქვს ლონდონის CEDR-ისგან, იმავე წლიდან თბილისის საქალაქო სასამართლოს მედიაციის ცენტრის მედიატორია, 2019 წლიდან კი შრომის საერთაშორისო ორგანიზაციის (ILO) აკრედიტებული მედიატორიც. 2014 წლიდან კოლექტიურ შრომით დავებზე მუშაობს და ამ ტიპის დავის პირველი მედიატორი იყო საქართველოში. „მედიაციის შესახებ“ საქართველოს კანონის ერთ-ერთი ავტორია.

ადვოკატურის ინსტიტუციურ განვითარებაშიც იღებდა მონაწილეობას. 2009-2012 წლებში ხელმძღვანელობდა ორგანიზაციას „საქართველოს ადვოკატები დამოუკიდებელი პროფესიისათვის“, რომლის დამფუძნებელი და საბჭოს წევრიც იყო, ასევე ადვოკატთა პროფესიული განვითარების ცენტრს. 2012 წელს სასამართლო მედიატორთა ასოციაცია დააფუძნა, 2013-2021 წლებში კი საქართველოს ადვოკატთა ასოციაციის აღმასრულებელ საბჭოში შედიოდა და საგანმანათლებლო საბჭოს თავმჯდომარეობდა.

სამართლის დოქტორი და პროფესორია, აქვს ჩიკაგო-კენტის სამართლის სკოლის LL.M. ხარისხი და ბიზნესის ადმინისტრირების ბაკალავრის დიპლომი. 2007 წლიდან ასწავლის და სამეცნიერო საქმიანობას ეწევა; ავტორია სამი მონოგრაფიისა და დაახლოებით 50 სტატიისა რამდენიმე ენაზე, მონაწილეობდა 30-მდე კონფერენციაში. არის ABA-ს ტრენერი საქართველოში, გაეროს ადამიანის უფლებათა უმაღლესი კომისრისა და ILO-ს ექსპერტი, IBA-ს სრული წევრი, CCBE-ს განათლების კომიტეტის წევრი და ევროპის საბჭოს HELP პროგრამის საკონტაქტო პირი საქართველოში. 2006-2007 წლებში დალასში ამერიკული და საერთაშორისო სამართლის აკადემიის გენერალური მდივანი იყო, 2008 წელს კი გერმანიის ადვოკატთა ასოციაციის ბერლინისა და ბრიუსელის ოფისებში სტაჟირება გაიარა. ფლობს ინგლისურ, რუსულ და გერმანულ ენებს.

ტიპური საქმეები

• მედიაცია
• კოლექტიური შრომითი დავების მედიაცია
• სასამართლო მედიაცია
• დავების ალტერნატიული გადაწყვეტა

განათლება და კვალიფიკაცია

ადვოკატთა ასოციაციის რეესტრი: სამოქალაქო სამართლის სპეციალიზაცია
დამატებითი სპეციალიზაცია: ბავშვთა უფლებები (სამოქალაქო)

ჩიკაგო-კენტის სამართლის სკოლა (აშშ) - LL.M.
სამართლის დოქტორი, პროფესორი
ბიზნესის ადმინისტრირების ბაკალავრი
2012 - CEDR-ის (ლონდონი) აკრედიტებული მედიატორი
2019 - ILO-ს აკრედიტებული მედიატორი
2008 - სტაჟირება, გერმანიის ადვოკატთა ასოციაცია (ბერლინი, ბრიუსელი)