გიორგი ლეკიშვილი

ადვოკატის შესახებ

სისხლის სამართლის საქმეები გიორგი ლეკიშვილის საქმიანობის მთავარი მიმართულებაა: კლიენტს იცავს დაკავებიდან და ბრალის წარდგენიდან დაწყებული, აღკვეთის ღონისძიების განხილვით, წინასასამართლო სხდომით, არსებითი განხილვითა და გასაჩივრებით დამთავრებული. ლიცენზია სისხლის სამართლის სპეციალიზაციისაა, დამატებით კი არასრულწლოვანთა მართლმსაჯულებაშია სპეციალიზებული. იურიდიულ საქმიანობას 2014 წლიდან ეწევა, ძირითადად თბილისში, თუმცა საქმეებს ქვეყნის სხვა რეგიონებშიც იღებს.

ადვოკატობამდე მუშაობდა ისანი-სამგორის რაიონულ პროკურატურაში, გენერალურ პროკურატურაში, შინაგან საქმეთა სამინისტროს გენერალურ ინსპექციაში და გამოძიების საპროცესო ხელმძღვანელობის ქვედანაყოფებში, მათ შორის შიდა ქართლისა და მცხეთა-მთიანეთის საოლქო პროკურატურაში. ამიტომ საქმეს ბრალდების მხარის თვალითაც იცნობს.

მის პრაქტიკაში ხვდება დანაშაულები სიცოცხლის, ჯანმრთელობისა და საკუთრების წინააღმდეგ, ეკონომიკური („თეთრი საყელოს“), კორუფციული და ნარკოტიკული საქმეები, ტრანსპორტის უსაფრთხოების წესების დარღვევა და კიბერდანაშაული. საჭიროებისას ატარებს ალტერნატიულ გამოძიებას და ექსპერტიზას, კანონით დადგენილი წესით მოიპოვებს ვიდეოჩანაწერებს, სატელეფონო და ადგილმდებარეობის მონაცემებს. მონაწილეობს საპროცესო შეთანხმების მოლაპარაკებებში, პირობით ვადამდე გათავისუფლების, შეწყალებისა და ნასამართლობის მოხსნის საკითხებში. კომპანიებს სთავაზობს Criminal Compliance-ს, შიდა კორპორაციულ გამოძიებასა და Criminal Due Diligence-ს, უცხოელ კლიენტებს კი წარმოადგენს ინტერპოლის ძებნის, ექსტრადიციისა და ადამიანის უფლებათა ევროპულ სასამართლოსთან დაკავშირებულ საქმეებზე.

გიორგი სოხუმის სახელმწიფო უნივერსიტეტის საადვოკატო კლინიკას ხელმძღვანელობდა და ადვოკატთა ასოციაციის სისხლის სამართლის კომიტეტში საქმიანობდა. დააფუძნა კომპანია „ლეკიშვილი & პატიეშვილი“, რომელიც თავდაპირველად მხოლოდ სისხლის სამართალზე იყო ორიენტირებული, მოგვიანებით კი სამოქალაქო, ადმინისტრაციული და საერთაშორისო სამართლის ადვოკატებიც შემოიერთა.

ტიპური საქმეები

• სისხლის სამართლის საქმეების დაცვა
• არასრულწლოვანთა მართლმსაჯულება
• ეკონომიკური და კორუფციული დანაშაულები
• ნარკოტიკული დანაშაულები
• კიბერდანაშაული
• ალტერნატიული გამოძიება და ექსპერტიზა
• საპროცესო შეთანხმება
• Criminal Compliance კომპანიებისთვის
• ექსტრადიცია და ინტერპოლის ძებნა
• საჩივრები ადამიანის უფლებათა ევროპულ სასამართლოში

განათლება და კვალიფიკაცია

ადვოკატთა ასოციაციის რეესტრი: სისხლის სამართლის სპეციალიზაცია
დამატებითი სპეციალიზაცია: არასრულწლოვანთა მართლმსაჯულება

ტრენინგები (აშშ-ის საელჩო, ევროკავშირი, ევროპის საბჭო, საქართველოს პროკურატურა) - ნაფიც მსაჯულთა სასამართლოს უნარ-ჩვევები
ტრენინგები - ძალადობრივი დანაშაულის გამოძიება
ტრენინგები - კიბერდანაშაულისა და ეკონომიკური დანაშაულის გამოძიება
ტრენინგები - ფარული საგამოძიებო მოქმედებები
ტრენინგები - ადამიანის უფლებებისა და სამართლიანი სასამართლოს ევროპული სტანდარტები
ტრენინგები - დანაშაულებრივი გზით მოპოვებული ქონების ჩამორთმევა