ეკატერინე შანიძე

ადვოკატის შესახებ

15 წელზე მეტია, რაც ეკატერინე შანიძე კორპორაციულ, შრომით, კომერციულ და სატრანსპორტო საკითხებზე მუშაობს, როგორც კერძო, ისე საჯარო სექტორში. სამოქალაქო სამართლის სპეციალიზაციის ადვოკატია, ადვოკატთა საკვალიფიკაციო გამოცდა 2008 წელს ჩააბარა.

2017 წლის იანვარში ლონდონში მოღვაწე იურისტ თამარ ნიკოლაძესთან ერთად დააფუძნა შპს „შანიძისა და ნიკოლაძის იურიდიული ჯგუფი“, რომლის მმართველი პარტნიორიცაა. კომპანია ძირითადად სამოქალაქო და ადმინისტრაციულ საქმეებზე მუშაობს და კლიენტებს საქართველოშიც და მის ფარგლებს გარეთაც ემსახურება. ბოლო წლებში ეკატერინე პარალელურად „თეგეტა მოტორსის“ ჯგუფის იურიდიულ საკითხებს ხელმძღვანელობდა მთავარი იურიდიული მრჩევლის თანამდებობაზე.

მისი წინა სამუშაო ადგილებია საქართველოს უზენაესი სასამართლო, „საქართველოს რკინიგზა“, საქართველოს ბანკი და თბილისის სატრანსპორტო კომპანია, სადაც იურიდიული სამსახურის უფროსი იყო. საერთაშორისო ორგანიზაცია UITP-ის ერთწლიანი პროგრამის დასრულების შემდეგ საზოგადოებრივი ტრანსპორტის საერთაშორისო მენეჯერის კვალიფიკაცია მიიღო. გერმანული კომპანია A S Consult GMBH-ის ექსპერტის სტატუსით ინსტიტუციური მოწყობისა და კანონმდებლობის საკითხებზე მუშაობდა UNDP-ისა და GEF-ის პროექტში „მწვანე ქალაქები“, რომელიც ბათუმსა და აჭარაში მდგრადი სატრანსპორტო სისტემის შექმნას ისახავდა მიზნად. 2013 წელს მონაწილეობდა შრომის კანონმდებლობის ცვლილებების განხილვაში დამსაქმებელთა მხრიდან.

ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 2002 წელს წარჩინებით დაამთავრა. გავლილი აქვს ტრენინგები მედიაციაში, სამოქალაქო საპროცესო, შრომისა და საგადასახადო სამართალში, პერსონალურ მონაცემთა დაცვასა და ელექტრონულ სახელმწიფო შესყიდვებში. ინგლისურსა და რუსულს სრულყოფილად ფლობს.

ტიპური საქმეები

• კორპორაციული სამართალი
• შრომის სამართალი
• კომერციული ხელშეკრულებები
• სატრანსპორტო სამართალი
• სამოქალაქო დავები
• ადმინისტრაციული საქმეები

განათლება და კვალიფიკაცია

ადვოკატთა ასოციაციის რეესტრი: სამოქალაქო სამართლის სპეციალიზაცია

2002 - ივანე ჯავახიშვილის სახელობის თბილისის სახელმწიფო უნივერსიტეტი, იურიდიული ფაკულტეტი, იურისტის კვალიფიკაცია (წარჩინებით)
UITP - ერთწლიანი პროგრამა, საზოგადოებრივი ტრანსპორტის საერთაშორისო მენეჯერის კვალიფიკაცია
UITP - სემინარი საერთაშორისო სახელშეკრულებო სამართალში
2008 - ადვოკატთა საკვალიფიკაციო გამოცდა
ტრენინგები: მედიაცია, შრომის სამართალი, სამოქალაქო საპროცესო სამართალი, პერსონალურ მონაცემთა დაცვა, საგადასახადო სამართალი, ბავშვთა უფლებები, ელექტრონული სახელმწიფო შესყიდვები